الناس دايما بيستخدموا البحر للتعظيم جمل زي بحر الحياة بحر العلم ،لكنه الاهمية الحقيقية للبحر خلاف ان الماء يمثل 71% من الارض لكن التركيز مش على البحر بل اللي موجود في البحر ،وعلشان نفهم حاجة زي كدا لازم نرجع بالزمن لورا شوية ،يعني حوالي 541 مليون سنة ،الارقام صعب تدخل الدماغ عارف بس لازم نعرف ايه هو الانفجار الكامبري.
الانفجار الكامبري
لما تدرس الاحفوريات هتلاقي ان فيه مدة صغيرة حصل فيها تنوع كبير للفصائل الحية من الفصائل دي هي Molluscs - الرخويات .
Molluscs - الرخويات
بدأ ظهورهم في الارض منذ حوالي 540 مليون سنه ،الرخويات فصيلة عايشين معانا على الكوكب زي اي فصيلة زي الثديات مثلا ،تعرفهم ازاي ؟ بسيطة من اسمهم "رخويات" كائنات هشة ملهاش عظام بس في منها 7 انواع :
- MONOPLACOPHORA
- SOLENOGASTRES
- CAUDOFOVEATA
- CHITONS
والانواع دي نادر جداً انت تلاقي واحد منهم ،انما المألوفين لينا هما :
- BIVALVES : ودول الكائنات اللي بيبقوا موجودين في صدفة وبيبقوا عايشين تحت الماء زي البحار ،و منهم اللي بيعمل جوا الصدفة حاجات مهمة زي اللؤلؤ.
- GASTROPODA : ودول حيوانات لافقارية بس الجزء الصلب فوقيهم زي الحلزون كدا.
- فاضل اهم نوع و هو ال CEPHALOPOD ودول تشوفعم الطف حاجة ممكن تقابلها في حياتك او ارعب حاجة ممكن تقابه في حياتك ودول منهم :
- الحبار - Spuid
- الاخطبوط - Cephalopod
- السبيدج (السبيط) - Cuttlefish
عندهم 8 ارجل ،رأس ضخمة ،بيفرزوا مادة شبيهة للحبرلما يهربوا من أعدائهم ،ولون دمهم أزرق وده يرجع لطريقة اخذهم للأكسيجين من الدم يعني احنا القاعدة بتاعتنا حديد ومنها بروتين الهيمو جلوبين بياخد الاكسيجين من الرئة للجسم لكن في الكائنات دي قاعدتهم نحاسية والبروتين المستخدم هيموسينين شبه الهيموجلوبين لكن فعال اكتر مع الظروف البيئية بتاعة الكائنات دي حيث ان تحت الماء بيكون الضغط كبير وده بيساعد على اكسده الدم وعلشان كدا عما عندهم 3 قلوب ،اه 3 قلوب 2 للخياشيم والثالث لضخ الدم للجسم كله ،9 أدمغة ،اه 9 واحد بيتحكم في الجهاز العصبي و 8 لكل رجل علشان كدا كل رجل من رجول الاطبوط بتتحكم في نفسها.
عارفين كاثولو ؟ الوحش الاسطوري اللي بيلتهم السفن ؟ ده موجود في الحقيقة واسمه The Colossal Squid طوله غير معروف بس اقرب حاجة ليه هي البحار العملاق - The Giant Squid اللي بيبلغ طوله ل 18 متر والكائن ده قادر على هزيمه حوت لوحده .
