بعد تجربة مرعبه و مثيرة للفزع مريت بيها أثناء مشاهدتي لفيلم Sinister..
لازم أقول إنه واحد من أفضل أفلام الرعب الي شوفتها بس ده مش موضوع البوست..
الحقيقة موضوع البوست هو الشيطان الي ظهر في الفيلم.. باجول.. آكل الأطفال..و أظن من زمان متكلمناش عن شياطين.. فلازم أخدك في رحلة مرعبه حوالين حقيقة الشيطان ده..
باجول في قصة الفيلم.. هو عباره عن إله بابلي قديم.. بيعيش في عالم خاص به و بينتقل لعالم البشر عن طريق الصور و الفيديوهات و الرسومات الي بيظهر فيها.. والي كلها بوابات له من عالمه لعالمنا..
باجول عايز يعيش للأبد.. و علشان يقدر يعيش للأبد لازم يتغذى على أرواح الأطفال.. و بيحصل عليها عن طريق عملية طويلة من التلاعب بالبشر و العائلات و الأطفال و في النهاية بيسيطر على الطفل المستهدف و يخليه يقتل عائلته بشكل بشع و بعدين ياخد الطفل لعالمه و هناك هيفضل للأبد.. مجرد غذاء لباجول..
و علشان تقدر تستدعي باجول لغرض ما.. لازم تنفذ تضحية بطفل..
طيب بعد كل ده.. هل باجول حقيقي؟..
في الحقيقة من الواضح كده إن الإجابة مش سهلة..
زي ما إنت شايف.. باجول بيتشارك نفس صفات الإله البابلي مولوك.. مولوك كان إله شرق أوسطي.. و كان بيطلب من عبيده التضحية بالأطفال عن طريق الحرق..
مولوك هو بعل إله الفينيقيين وهو نفسه حاداد إله الأشوريين
الحقيقة الyهود و خلال فترة من فترات تاريخهم القديم قرروا يمارسوا طقوس عبادة بعل (مولوك) و كانوا بالفعل بيمارسوا التضحية بالأطفال عن طريق حرقهم في فرن ضخم على شكل بعل (فرن على شكل ثور)..
و هما الي نزلت فيهم الآيات
في قوله تعالى : ( وإن إلياس لمن المرسلين ( 123 ) إذ قال لقومه ألا تتقون ( 124 ) أتدعون بعلا وتذرون أحسن الخالقين ( 125 ) الله ربكم ورب آبائكم الأولين ( 126 ) فكذبوه فإنهم لمحضرون ( 127 ) إلا عباد الله المخلصين ( 128 ) وتركنا عليه في الآخرين ( 129 ) )...
و من الحجات الغريبة إن بعل من الآلهة الوثنية القليلة جدا الي إتذكرت في القرآن..
في الواقع بعل يعتبر من الشخصيات الأساسيه في العلوم الشيطانيه و في الميثولوجيا الإبراهيميه ...
حيث إنه واحد من أمراء الجحيم السبعه ... و الملقب بملك الشرق و ملك الجحيم الأول ...حيث إن ساتان يبقي مجرد خادم ليه ... و بيظن إن قوته بتبقي في مرحلتها القصوي في شهر أكتوبر ... شهر الأعياد الوثنيه القديمه زي الهالوين ...
و تحت إمرته هو بس سته و ستين فيلق من الشياطين و بيوعد عابديه و خدامه من البشر بالقدره عالإختفاء...
المبهر كمان إن مش دول بس الي باجول بيمثلهم..
باجول بيتشارك صفات الشيطانية آبيازو آكلة الأطفال.. و مسببة الإجهاض و ده بسبب حقدها على البشر لإنها عقيم..
المشكلة مش في كده..
المشكلة إن أبيازو واحده من شياطينا المشهورين.. أسمها التاني يبقى ليليث.. الشيطانة خاطفة الأطفال الي ذكرها الدين اليهودي و المسيحي و إتذكرت إسمها في كتاب شمس المعارف ب "ليليث.. أم العيال"...
و مش كده بس.. بل كمان إتذكرت في مصر القبطية بAlabasandria و في الدولة البيزنطية بGylou و في بلغاريا و صربيا و مقدونيا ب"هالي"..
و كل دول إتفقوا على إنه في النهاية شيطان/شيطانة بتخطف الأطفال..
فلما نيجي نسأل.. هل باجول حقيقي؟..
أظن الإجابة مش هتبقى سهلة..