في كرتون فلاب جاك عمرك إستغربت من هوس فلاب جاك بالحلوي ؟؟ ... مش هو بس بل كمان هوس كناكلز و تقريبا كل البحارة في الميناء و كأنهم مقدروش يتجاوزوا حبهم الطفولي للحلوي ....
عموما ده لإن الكرتون أفكاره مقتبسه من بعض الحقيقه ...
في أواسط القرن العشرين و في ولاية تيكساس ...
إنتشرت حوادث إختفاء الأطفال و إنتشر معاها الكلام عن إن ما يسمي ب"سيدة الحلوي" هي السبب...
سيدة الحلوي من المفترض إنها شخصية شريرة بتجذب الأطفال عن طريق الحلوي لمكان معين و هناك بتقتلهم ...
و علي حسب شهادات الناس ... أثناء طفولتهم كان بعضهم بيصحي من النوم ويلاقي حلوي كتير جمب مخدته مع ورقة مكتوب عليها جملة ...
"من سيدة الحلوي" ...
و علشان بيخافوا إن أهاليهم يمنعوهم من أكلها أو يمنعوا الشخص الي بيحطها من دخول البيت فكانوا بيتكتموا عالموضوع ...
و تستمر الحلوي في الظهور علي سرايرهم لغاية لما تجيلهم دعوة معاها للقاء سيدة الحلوي في مكان معين بإسم "جزيرة الحلوي " ... و هناك هيلاقوا كل ما تشتهي أنفسهم من حلوي لا تنتهي ولو الطفل أجاب الدعوة مش هيظهر تاني أبدا ...
سنة ١٩٥٠ مزارع عثر علي كيس حلوي أمام باب منزله و لما بدأ يفتح تغليفها إتصدم ... لإنها كانت أسنان أطفال ...
و سنة ١٩٥٥ شرطي محلي باسم جو بولدين كان بيحقق في إختفاء الأطفال لما قادته الدلائل في النهاية لبحيرة ...و هناك كانت جثة طفل بدون أسنان و عيونه تم إقتلاعها بشوكة حقل ...
و من هنا بدأت أسطورة سيدة الحلوي في الإنتشار ...
و من هنا بتمثل شخصيات كرتون فلاب جاك الأطفال الي مقدروش يحققوا حلمهم بالذهاب لجزيرة الحلوي المزعومة كإنعكاس للأطفال الحقيقيين الي وصلتلهم الدعوة و مراحوش ...بالتالي كبروا بهوس مرعب للجزيرة و للحلوي ...