عارفين فيلم الأسد الملك ؟؟ Lion King ؟؟ ...
الفيلم ده تقريبا أنا متربي عليه من كتر ما عيدته وأنا صغير و تقريبا كتير مننا كذلك لإنه بيشكل جزء مهم من طفولتنا ...
بس الفيلم ده كان ليا له نظرة خاصه و تساؤلات غريبه تحب نتكلم عنها ؟؟ ...
عامة الفيلم حبكته بتتلخص في فكرو الصراع علي ملك أرض العزة بين إتنين إخوات و إنتقام الإبن المنفي من قاتل أبوه ... حبكة منسوخه حرفيا من أسطورة صراع سيت و حورس ...
لما قتل إله الحرب ست أخوه أوزيريس و خد حكم مصر و إنتقم إبن أوزيريس حورس من ست و إسترجع الحكم و بقي ملك و عامة دي قصه مكررة كتير في الاعمال السينمائية بس الأسد الملك قدمها بشكل غريب شوية ....
شكل تقدر تقول إنه مضلل ...شكل معتمد عالتعاطف الخام و ده طبيعي في فيلم أطفال ولكن لو فكرت فيه شوية صغيرين ... مفاهيمك عن الفيلم ممكن تتغير....
تعالي نتكلم بقي في المفاهيم دي ...
موفاسا طيب و ملك صالح ...المفهوم ده أنا شايفه خطأ كبير ... في الفيلم أرض العزة في عهد موفاسا كانت مملكه غنية مكنش في جوع و مكنش في معاناه واضحه في الفيلم ...
و كان موفاسا بيتكلم و بيدي خطب و مواعظ لسيمبا عن دورة الحياة الطبيعية و الموت ....
هل ده يخليه ملك صالح ؟؟ في الواقع لو تغافلنا عن بعض الحقائق أه نقدر نقول كده بس في حقائق بتقول العكس و بتقول إن موفاسا كان ملك متناقض و ظالم و بياع كلام كبير ...
اهم حاجه في كونك ملك ... إنك تكون ملك لكل أهل أرضك و تاني أهم حاجه إنك تؤمن بالي بتقوله ...
لكن موفاسا كان العكس ... موفاسا واضح جدا إنه عزل نوع كامل من مواطنين أرض العزة في أرض جرداء وهما الضباع ...و إيه كان السبب ؟؟ ...
الضباع بياكلوا بشكل شره ؟؟ هي دي تقريبا الصفه الوحيدة السيئة الي فيهم في الفيلم .. بس ده مش سبب لنفيهم ... دي طبيعة الضباع و سواء بمزاجك أو غصب عنك الطباع جزء من الطبيعه و دورة الحياة الطبيعية الي كان موفاسا بيعظ سيمبا عنها ....
طب تعالوا نيجي لسكار كده ...
لو لاحظنا سكار كان الأسد الوحيد المؤمن بإن الأرض للكل ... الضباع ليهم حق في أرض العزة زيهم زي أي حيوان و عنده حق ... سكار لما بقي ملك نفذ بالفعل وعده لهم و رجعهم أرض العزة ...
و ده كان إنجاز ثوري تماما خصوصا إنه ضد رغبة الأسود المتربيين علي تضليل موفاسا ...
و ده يعني شئ واحد إن سكار ملك أكثر صلاحا من موفاسا ...
بس في كام نقطة كده متأكد المعترضين منكم هيلجأوا ليها ...
١- سكار قتل موفاسا ! ... ده حقيقي و دي فعلا جريمة و لكن للعلم صراع الإخوة علي الحكم شئ طبيعي في عالمنا الواقعي ... بل حتي قتل الملك لأخوه لا يعني بالضرورة إنه ملك سئ ...و أهم مثال علي كده قتل السلطان سليمان القانوني لاخوته لتدمير الفتن و الصراعات ...
٢- سكار خدع سيمبا وهو طفل ! ... في الحقيقه دي تحسب لسكار ... في الصراعات المشابهة عامة كان بيتم قتل أبناء الاخوه و قطع نسلهم تماما خوفا من الثورات بعدين لكن سكار مقدرش يقتل سيمبا ... أرس وراه الضباع لكن مقدرش يقتل إبن أخوه بنفسه و دي كان غلطته القاتله( لإن سيمبا قتله بعدين) ...و لكنها تحسب ليه
٣-جفاف و مجاعة في عهد سكار ! ...
في عهد سكار حصل جفاف و المجاعة غزت أرض العزة متسببة في معاناه كبيرة لأهلها ...و طبعا كأطفال عقولنا ربطت المجاعة بسكار كشرير بس في الحقيقة سكار ملهوش أي ذنب ولا الضباع ليهم ذنب .... علي حد علمي يعني ...مفيش حيوان بيتحكم في الطقس أو بيسبب تغييره و الجفاف خارج إرادة الكل و مجرد حادث عرضي صادف فترة حكم سكار كان ممكن يحصل في عهد موفاسا عادي او يحصل في عهد سيمبا بعدين ...
٤-الضباع أكلت سكار المجروح ...
عامة ده جزء من طبيعة الضباع إنها بتاكل المجروح منها و ده شئ لا يتم لومهم عليه ...
٥- سكار إنقلب عالضباع قبل ما يموت
عامة ده شئ طبيعي ...سكار كان عايز يعيش و طبيعي يقول اي كلام ينقذ بيه حياته
لذلك في النهاية أنا مؤمن إن سكار كان ملك ثوري ملك لكل المصريي... قصدي أهل أرض العزة ... و لكنه كان سئ الحظ مش أكتر أو مأحسنش التخطيط عامة .. يعني في النهاية ... بغض النظر عن كون سيمبا البطل سكار كان البطل الحقيقي الساعي لتوحيد أرض العزة ....
لذلك في النهاية أنا مؤمن إن سكار كان ملك ثوري ملك لكل المصريي... قصدي أهل أرض العزة ... و لكنه كان سئ الحظ مش أكتر أو مأحسنش التخطيط عامة .. يعني في النهاية ... بغض النظر عن كون سيمبا البطل سكار كان البطل الحقيقي الساعي لتوحيد أرض العزة ....
و زي ما شوفنا بعدين سيمبا كان علي خطا والده بل كان أسوأ و نفي الضباع و معاهم عائلة و عشيرة سكار كذلك رغم إنهم ملهمش ذنب في أفعال والدهم ... و لكن في النهاية ... تربية موفاسا الفاسدة كانت الاساس ...
تعديل :
نقطة مهمه لفهم البوست ... كلامي من وجهة نظر واقعية بعيدا عن محتوي الفيلم في إظهار شخصيات معينه بالشر الخام ... لان الشر ده مش موجود في الواقع ...مفيش حد شرير لمجرد انه شرير لكن في شرير من وجهة نظرك لان اهدافه ضدك و هكذا فأتمني محدش يجي يقول اصل المخرج خلاه يقول انا شرير ما ده طبيعي في فيلم كرتون اطفال... و عموما مش لازم تقتنع بكلامي لان ده زي ما قولت وجهة نظري و تحليلي
نقطة مهمه لفهم البوست ... كلامي من وجهة نظر واقعية بعيدا عن محتوي الفيلم في إظهار شخصيات معينه بالشر الخام ... لان الشر ده مش موجود في الواقع ...مفيش حد شرير لمجرد انه شرير لكن في شرير من وجهة نظرك لان اهدافه ضدك و هكذا فأتمني محدش يجي يقول اصل المخرج خلاه يقول انا شرير ما ده طبيعي في فيلم كرتون اطفال... و عموما مش لازم تقتنع بكلامي لان ده زي ما قولت وجهة نظري و تحليلي